Qur’an 38 · 88 ayahs

Surah Sad

سورة ص

Audio is not listed for this edition. Browse audio translations.

38:1
All translationsLinkSource ↗

صٓۚ وَٱلۡقُرۡءَانِ ذِي ٱلذِّكۡرِ

Saad (su Allah i mataw kanu ma’na nin), Saki (Allah) idsapa ku su Qur’an sa napayag lun i langun taman.

38:2
All translationsLinkSource ↗

بَلِ ٱلَّذِينَ كَفَرُواْ فِي عِزَّةٖ وَشِقَاقٖ

Ugayd na su manga kafir na natagu kanu kabpapulu bu endu kapagukag (kanu manga nabi).

38:3
All translationsLinkSource ↗

كَمۡ أَهۡلَكۡنَا مِن قَبۡلِهِم مِّن قَرۡنٖ فَنَادَواْ وَّلَاتَ حِينَ مَنَاصٖ

Madakel den i bininasa nami a nawna pan sa kanilan a manga taw sa nakapanawag silan kanu kinawma na tyuba sa kanilan sa dala den waktu a kapalaguy.

38:4
All translationsLinkSource ↗

وَعَجِبُوٓاْ أَن جَآءَهُم مُّنذِرٞ مِّنۡهُمۡۖ وَقَالَ ٱلۡكَٰفِرُونَ هَٰذَا سَٰحِرٞ كَذَّابٌ

Endu nagayp silan sa nakawma sa kanilan i sinugu a bansa nilan bun, endu pidtalu nu manga kafir: pasi-sih’r a kalbutan.

38:5
All translationsLinkSource ↗

أَجَعَلَ ٱلۡأٓلِهَةَ إِلَٰهٗا وَٰحِدًاۖ إِنَّ هَٰذَا لَشَيۡءٌ عُجَابٞ

Ngintu ka pembaluyn nin su manga kadenan sa isa bu ka su Allah bu, na saben-sabenal sa galebek ni (Muhammad) na isa kanu di matalima.

38:6
All translationsLinkSource ↗

وَٱنطَلَقَ ٱلۡمَلَأُ مِنۡهُمۡ أَنِ ٱمۡشُواْ وَٱصۡبِرُواْ عَلَىٰٓ ءَالِهَتِكُمۡۖ إِنَّ هَٰذَا لَشَيۡءٞ يُرَادُ

Endu ginumanat su kadakel nilan sa pidtalu nilan: lu kanu den endu edsabar kanu sa kanu mga kadenan nu, ka pidtalu nu (Muhammad) na isa kanu di matalima.

38:7
All translationsLinkSource ↗

مَا سَمِعۡنَا بِهَٰذَا فِي ٱلۡمِلَّةِ ٱلۡأٓخِرَةِ إِنۡ هَٰذَآ إِلَّا ٱخۡتِلَٰقٌ

Ka da tanu makineg inan kanu kaped a agama, na dala bun inan ya tabya na kadalbutan bu.

38:8
All translationsLinkSource ↗

أَءُنزِلَ عَلَيۡهِ ٱلذِّكۡرُ مِنۢ بَيۡنِنَاۚ بَلۡ هُمۡ فِي شَكّٖ مِّن ذِكۡرِيۚ بَل لَّمَّا يَذُوقُواْ عَذَابِ

Ngintu nakatulun i Qur’an sa lekanin na di kena sekanin i masla a taw? Pulingan bu i penduwa-duwa silan kagina dala nilan pan kananami su siksa ku (Allah) sa kanilan.

38:9
All translationsLinkSource ↗

أَمۡ عِندَهُمۡ خَزَآئِنُ رَحۡمَةِ رَبِّكَ ٱلۡعَزِيزِ ٱلۡوَهَّابِ

Atawaka ngintu lu kanilan su gunsi nu limu nu Kadenan nengka a sekanin (Allah) i mapulu a bangenyan?

38:10
All translationsLinkSource ↗

أَمۡ لَهُم مُّلۡكُ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَاۖ فَلۡيَرۡتَقُواْ فِي ٱلۡأَسۡبَٰبِ

Atawaka kanilan a gamilikan su manga langit endu su lupa endu su pageletan nin? Na mamusug silan sa panikan (u benal i pedtalun ilan).

38:11
All translationsLinkSource ↗

جُندٞ مَّا هُنَالِكَ مَهۡزُومٞ مِّنَ ٱلۡأَحۡزَابِ

Sundalu a malubay, na makandedsa kanu lumpukan nilan.

38:12
All translationsLinkSource ↗

كَذَّبَتۡ قَبۡلَهُمۡ قَوۡمُ نُوحٖ وَعَادٞ وَفِرۡعَوۡنُ ذُو ٱلۡأَوۡتَادِ

Napandalbut bun su nawna sa kanilan su taw nu Nuh endu su Aad endu su Fir’awn na aden buladtek nin (kayu a ipambadas).

38:13
All translationsLinkSource ↗

وَثَمُودُ وَقَوۡمُ لُوطٖ وَأَصۡحَٰبُ لۡـَٔيۡكَةِۚ أُوْلَٰٓئِكَ ٱلۡأَحۡزَابُ

Endu su Thamud, endu su taw nu Lut endu su manga tagapeda nu Aikah (manga taw sa Madyan), silan na midtatagapeda.

38:14
All translationsLinkSource ↗

إِن كُلٌّ إِلَّا كَذَّبَ ٱلرُّسُلَ فَحَقَّ عِقَابِ

Da kanu uman isa a di kena napandalbut sa sinugu, na wagib su siksa (sa kanilan).

38:15
All translationsLinkSource ↗

وَمَا يَنظُرُ هَٰٓؤُلَآءِ إِلَّا صَيۡحَةٗ وَٰحِدَةٗ مَّا لَهَا مِن فَوَاقٖ

Endu da kapagangapan nilan a salakaw kanu kayup a makaisa kanu kabangkit sa dunya sa dala kadsunudan nun.

38:16
All translationsLinkSource ↗

وَقَالُواْ رَبَّنَا عَجِّل لَّنَا قِطَّنَا قَبۡلَ يَوۡمِ ٱلۡحِسَابِ

Endu pidtalu nilan: Kadenan nami i sya nengka den sa lekami su kitab a sinulatan sa galebek nami sa di pan gawma i gay a mawli.

38:17
All translationsLinkSource ↗

ٱصۡبِرۡ عَلَىٰ مَا يَقُولُونَ وَٱذۡكُرۡ عَبۡدَنَا دَاوُۥدَ ذَا ٱلۡأَيۡدِۖ إِنَّهُۥٓ أَوَّابٌ

Edsabar ka (Muhammad) kanu kadtalu nilan, ya ka tademi su ulipen nami a si Daud ka sekanin na mabagel i simba nin, ka ya nin bu galebek na kasuwatan nu Allah.

38:18
All translationsLinkSource ↗

إِنَّا سَخَّرۡنَا ٱلۡجِبَالَ مَعَهُۥ يُسَبِّحۡنَ بِٱلۡعَشِيِّ وَٱلۡإِشۡرَاقِ

Saben-sabenal a pinandayan nami sa lekanin su manga palaw, a bagamung pedtasbih sa lekanin sa magabi-malamag.

38:19
All translationsLinkSource ↗

وَٱلطَّيۡرَ مَحۡشُورَةٗۖ كُلّٞ لَّهُۥٓ أَوَّابٞ

Endu su papanuk a pembuligbulig sa bagamung (kanu Daud) uman isa na bangeni sa kasuwatan (nu Allah).

38:20
All translationsLinkSource ↗

وَشَدَدۡنَا مُلۡكَهُۥ وَءَاتَيۡنَٰهُ ٱلۡحِكۡمَةَ وَفَصۡلَ ٱلۡخِطَابِ

Endu binagel nami su kadatu nin endu inenggan nami sekanin sa ka-nabi endu kapya na kadatu.

38:21
All translationsLinkSource ↗

۞ وَهَلۡ أَتَىٰكَ نَبَؤُاْ ٱلۡخَصۡمِ إِذۡ تَسَوَّرُواْ ٱلۡمِحۡرَابَ

Endu nakawma sa leka (Muhammad) su tudtulan kanu duwa kataw a di bagayun sa linudepan nilan (Daud) kanu pedsambayangan nin sa makagayp.

38:22
All translationsLinkSource ↗

إِذۡ دَخَلُواْ عَلَىٰ دَاوُۥدَ فَفَزِعَ مِنۡهُمۡۖ قَالُواْ لَا تَخَفۡۖ خَصۡمَانِ بَغَىٰ بَعۡضُنَا عَلَىٰ بَعۡضٖ فَٱحۡكُم بَيۡنَنَا بِٱلۡحَقِّ وَلَا تُشۡطِطۡ وَٱهۡدِنَآ إِلَىٰ سَوَآءِ ٱلصِّرَٰطِ

Kinaludep nilan kanu Daud na natekawan sa kanilan, ya nilan pidtalu: da ka kagilek ka di kami bagayun, pendupangan na isa su kaped nin, na kukum kami sa bantang endu da ka lumamig, endu tutulu kami sa bantang a lalan.

38:23
All translationsLinkSource ↗

إِنَّ هَٰذَآ أَخِي لَهُۥ تِسۡعٞ وَتِسۡعُونَ نَعۡجَةٗ وَلِيَ نَعۡجَةٞ وَٰحِدَةٞ فَقَالَ أَكۡفِلۡنِيهَا وَعَزَّنِي فِي ٱلۡخِطَابِ

Saben-sabenal a nan i suled ku anan na aden unta nin a syaw-pulu endu syaw, na aden laki a sawalu, (pidtalu nin): ipatuganul nengka salaki i leka anan, na dala aku makagaga sa kadtalu, nakwa nin su laki a sawalu bu.

38:24
All translationsLinkSource ↗

قَالَ لَقَدۡ ظَلَمَكَ بِسُؤَالِ نَعۡجَتِكَ إِلَىٰ نِعَاجِهِۦۖ وَإِنَّ كَثِيرٗا مِّنَ ٱلۡخُلَطَآءِ لَيَبۡغِي بَعۡضُهُمۡ عَلَىٰ بَعۡضٍ إِلَّا ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ وَقَلِيلٞ مَّا هُمۡۗ وَظَنَّ دَاوُۥدُ أَنَّمَا فَتَنَّٰهُ فَٱسۡتَغۡفَرَ رَبَّهُۥ وَخَرَّۤ رَاكِعٗاۤ وَأَنَابَ۩

Tig nu Daud: saben-sabenal a dinupang ka na kaped nengka anan sa kinwa nin su leka a sawalu ka namba i kadakelan sa pedtumpuk na dupangen nin su ped nin, ya tabya su manga bamaginugut endu minggalebek sa manga mapya, na paydu bu i maytu ba (tinidtwanan), endu natawan nu Daud i binatalu sekanin, na nangeni sa ampun sa Allah endu linundangan nin i karuku-kasugyud endu midtawbat.

38:25
All translationsLinkSource ↗

فَغَفَرۡنَا لَهُۥ ذَٰلِكَۖ وَإِنَّ لَهُۥ عِندَنَا لَزُلۡفَىٰ وَحُسۡنَ مَـَٔابٖ

Na inampun nami sa lekanin, endu makasupag pan sa lekami endu mapya pan kawliyan nin.

38:26
All translationsLinkSource ↗

يَٰدَاوُۥدُ إِنَّا جَعَلۡنَٰكَ خَلِيفَةٗ فِي ٱلۡأَرۡضِ فَٱحۡكُم بَيۡنَ ٱلنَّاسِ بِٱلۡحَقِّ وَلَا تَتَّبِعِ ٱلۡهَوَىٰ فَيُضِلَّكَ عَن سَبِيلِ ٱللَّهِۚ إِنَّ ٱلَّذِينَ يَضِلُّونَ عَن سَبِيلِ ٱللَّهِ لَهُمۡ عَذَابٞ شَدِيدُۢ بِمَا نَسُواْ يَوۡمَ ٱلۡحِسَابِ

Hay seka Daud! Binaluy nami seka a khalifa (datu) sya sa lupa na kukum ka su manga taw sa bantang, endu di ka baginugunuti i nafsu-hawa nengka, ka tadingen ka nin sa lalan sa Allah, ka su manga taw a gatading kanu agama nu Allah na kanilan i siksa a mapasang, kagina nalimpangan nilan i gay a mawli.

38:27
All translationsLinkSource ↗

وَمَا خَلَقۡنَا ٱلسَّمَآءَ وَٱلۡأَرۡضَ وَمَا بَيۡنَهُمَا بَٰطِلٗاۚ ذَٰلِكَ ظَنُّ ٱلَّذِينَ كَفَرُواْۚ فَوَيۡلٞ لِّلَّذِينَ كَفَرُواْ مِنَ ٱلنَّارِ

Endu di kena nami binaluy su manga langit endu su lupa endu su pageletan nin sa batil, entuba i antapan nu manga kafir, na su bawgan sa naraka na kanu kafir a pegkalaw-kalaw.

38:28
All translationsLinkSource ↗

أَمۡ نَجۡعَلُ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ كَٱلۡمُفۡسِدِينَ فِي ٱلۡأَرۡضِ أَمۡ نَجۡعَلُ ٱلۡمُتَّقِينَ كَٱلۡفُجَّارِ

Atawaka binaluy nami su manga bamaginugut a minggalebek sa manga mapya sa mana su manga taw a pakabinasa kanu dalpa, atawaka baluyan nami su manga taw a magilek sa Allah sa mana su manga darwaka.

38:29
All translationsLinkSource ↗

كِتَٰبٌ أَنزَلۡنَٰهُ إِلَيۡكَ مُبَٰرَكٞ لِّيَدَّبَّرُوٓاْ ءَايَٰتِهِۦ وَلِيَتَذَكَّرَ أُوْلُواْ ٱلۡأَلۡبَٰبِ

Kitab a initulun nami sa lekanin (Muhammad) a barakat ka endu nilan mapanuliman su manga ayat nin, endu ma-indaw su manga taw a aden akal nin.

38:30
All translationsLinkSource ↗

وَوَهَبۡنَا لِدَاوُۥدَ سُلَيۡمَٰنَۚ نِعۡمَ ٱلۡعَبۡدُ إِنَّهُۥٓ أَوَّابٌ

Endu inenggay nami kani Daud si Sulayman a ngin den a kapya na ulipen ka mategel a benal semangul sa Kadenan nin.

38:31
All translationsLinkSource ↗

إِذۡ عُرِضَ عَلَيۡهِ بِٱلۡعَشِيِّ ٱلصَّٰفِنَٰتُ ٱلۡجِيَادُ

Su kutika na ini-adu sa lekanin sa ulyan na dhuhur i manga kuda a manga mapya gayd a pegkudan.

38:32
All translationsLinkSource ↗

فَقَالَ إِنِّيٓ أَحۡبَبۡتُ حُبَّ ٱلۡخَيۡرِ عَن ذِكۡرِ رَبِّي حَتَّىٰ تَوَارَتۡ بِٱلۡحِجَابِ

Pidtalu ni (Sulayman): namba i kalinyan ku sabap sa jihad sa Allah, taman sa dala makadsambayang sa asar taman sa sinumedep su senang.

38:33
All translationsLinkSource ↗

رُدُّوهَا عَلَيَّۖ فَطَفِقَ مَسۡحَۢا بِٱلسُّوقِ وَٱلۡأَعۡنَاقِ

(Tig nu Sulayman): imbalingan nu sa laki su kuda, ka tinebpedan su lisen endu lig (na kuda, sabap sa nasimpang sa simba sa Allah).

38:34
All translationsLinkSource ↗

وَلَقَدۡ فَتَنَّا سُلَيۡمَٰنَ وَأَلۡقَيۡنَا عَلَىٰ كُرۡسِيِّهِۦ جَسَدٗا ثُمَّ أَنَابَ

Endu saben-sabenal a binatalu nami su Sulayman sa aden initapes nami kanu bagagayananin a lawas (a shaytan), mawli na midtawbat (su Sulayman).

38:35
All translationsLinkSource ↗

قَالَ رَبِّ ٱغۡفِرۡ لِي وَهَبۡ لِي مُلۡكٗا لَّا يَنۢبَغِي لِأَحَدٖ مِّنۢ بَعۡدِيٓۖ إِنَّكَ أَنتَ ٱلۡوَهَّابُ

Pidtalu nin (Sulayman): Kadenan ku ampun ka sa laki endu enggi aku sa kadatu a di dayt u mawli sa laki, ka seka (Allah) i Kadenan a bangenggay.

38:36
All translationsLinkSource ↗

فَسَخَّرۡنَا لَهُ ٱلرِّيحَ تَجۡرِي بِأَمۡرِهِۦ رُخَآءً حَيۡثُ أَصَابَ

Na pinandayan nami sa lekanin su sambel a balalaguy sa kyug nin, sa mananaw sa apya endaw i kyug nin.

38:37
All translationsLinkSource ↗

وَٱلشَّيَٰطِينَ كُلَّ بَنَّآءٖ وَغَوَّاصٖ

Endu su manga shaytan i pembalay endu su kaped na pedseneb sa lagat.

38:38
All translationsLinkSource ↗

وَءَاخَرِينَ مُقَرَّنِينَ فِي ٱلۡأَصۡفَادِ

Endu su kaped na pinamawik sya sa lantay-lantay.

38:39
All translationsLinkSource ↗

هَٰذَا عَطَآؤُنَا فَٱمۡنُنۡ أَوۡ أَمۡسِكۡ بِغَيۡرِ حِسَابٖ

(Pidtalu nu Allah kanu Sulayman): namba i inenggay nami na enggay ka su pegkyugan nengka atawaka di ka menggay na di bun idsa sa leka.

38:40
All translationsLinkSource ↗

وَإِنَّ لَهُۥ عِندَنَا لَزُلۡفَىٰ وَحُسۡنَ مَـَٔابٖ

Endu aden lekanin sya sa lekami a kapyanan a kawliyan nin.

38:41
All translationsLinkSource ↗

وَٱذۡكُرۡ عَبۡدَنَآ أَيُّوبَ إِذۡ نَادَىٰ رَبَّهُۥٓ أَنِّي مَسَّنِيَ ٱلشَّيۡطَٰنُ بِنُصۡبٖ وَعَذَابٍ

Endu labit ka (Muhammad) su ulipen nami si Ayub, a tinawag nin su kadenan nin: saki na nasugat aku na shaytan sa makagkayd endu siksa.

38:42
All translationsLinkSource ↗

ٱرۡكُضۡ بِرِجۡلِكَۖ هَٰذَا مُغۡتَسَلُۢ بَارِدٞ وَشَرَابٞ

(Pidtalu nu Allah sa lekanin): ibagkuway nengka su ay nengka, ka nan i pebpaygwan a matenggaw endu baginemen.

38:43
All translationsLinkSource ↗

وَوَهَبۡنَا لَهُۥٓ أَهۡلَهُۥ وَمِثۡلَهُم مَّعَهُمۡ رَحۡمَةٗ مِّنَّا وَذِكۡرَىٰ لِأُوْلِي ٱلۡأَلۡبَٰبِ

Endu inenggay nami su kaluma nin endu su manga wata nin a limu ebpun sa lekami, endu indawan kanu aden akal nin.

38:44
All translationsLinkSource ↗

وَخُذۡ بِيَدِكَ ضِغۡثٗا فَٱضۡرِب بِّهِۦ وَلَا تَحۡنَثۡۗ إِنَّا وَجَدۡنَٰهُ صَابِرٗاۚ نِّعۡمَ ٱلۡعَبۡدُ إِنَّهُۥٓ أَوَّابٞ

Endu kwa ka su sakumpungan (salumpuk) ka ibetay nengka kanu kaluma nengka, endu di ka kasapalan kagina masabar (Ayub), ngin den i kapya nin a ulipen, ka sekanin na di gapinda sa kalumping nin sa Kadenan nin.

38:45
All translationsLinkSource ↗

وَٱذۡكُرۡ عِبَٰدَنَآ إِبۡرَٰهِيمَ وَإِسۡحَٰقَ وَيَعۡقُوبَ أُوْلِي ٱلۡأَيۡدِي وَٱلۡأَبۡصَٰرِ

Endu labit ka su ulipen nami a su Ibrahim endu su Ishaq endu su Ya’kub a mabagel i simba nilan endu matindu i kailay nilan.

38:46
All translationsLinkSource ↗

إِنَّآ أَخۡلَصۡنَٰهُم بِخَالِصَةٖ ذِكۡرَى ٱلدَّارِ

Sekami na pinapa-ikhlas nami silan sa tadem sa gay a mawli.

38:47
All translationsLinkSource ↗

وَإِنَّهُمۡ عِندَنَا لَمِنَ ٱلۡمُصۡطَفَيۡنَ ٱلۡأَخۡيَارِ

Endu silan na kuyug silan kanu manga pinamili a manga mapya.

38:48
All translationsLinkSource ↗

وَٱذۡكُرۡ إِسۡمَٰعِيلَ وَٱلۡيَسَعَ وَذَا ٱلۡكِفۡلِۖ وَكُلّٞ مِّنَ ٱلۡأَخۡيَارِ

Endu labit ka su Ismail endu su Alyasa endu su Zul-kif’l, endu uman isa sa kanilan na ebpun sa mapya.

38:49
All translationsLinkSource ↗

هَٰذَا ذِكۡرٞۚ وَإِنَّ لِلۡمُتَّقِينَ لَحُسۡنَ مَـَٔابٖ

Namba i tademan a mapya, endu saben-sabenal su magilek sa Allah na mapya i kadsunudan (kambalinganan) nin.

38:50
All translationsLinkSource ↗

جَنَّٰتِ عَدۡنٖ مُّفَتَّحَةٗ لَّهُمُ ٱلۡأَبۡوَٰبُ

Surga a tatap, binukan sa kanilan i manga pintuwan nin.

38:51
All translationsLinkSource ↗

مُتَّكِـِٔينَ فِيهَا يَدۡعُونَ فِيهَا بِفَٰكِهَةٖ كَثِيرَةٖ وَشَرَابٖ

Pedsandeng silan, endu apya ngin i kyugan nilan a manga unga na kayu na madakel endu baginemen na aden sa kanilan.

38:52
All translationsLinkSource ↗

۞ وَعِندَهُمۡ قَٰصِرَٰتُ ٱلطَّرۡفِ أَتۡرَابٌ

Endu aden pan manga kaluma nilan a manga laga, a kaluma nin bu i kyugan nin.

38:53
All translationsLinkSource ↗

هَٰذَا مَا تُوعَدُونَ لِيَوۡمِ ٱلۡحِسَابِ

Namba su pedsinganin nu sya sa gay a mawli.

38:54
All translationsLinkSource ↗

إِنَّ هَٰذَا لَرِزۡقُنَا مَا لَهُۥ مِن نَّفَادٍ

Saben-sabenal a namba rizki nami na dala kadtamanan nin.

38:55
All translationsLinkSource ↗

هَٰذَاۚ وَإِنَّ لِلطَّٰغِينَ لَشَرَّ مَـَٔابٖ

Namba i kanu bamaginugut, endu saben-sabenal su manga darwaka na kanilan i sangat i kawag nin a kadtamanan.

38:56
All translationsLinkSource ↗

جَهَنَّمَ يَصۡلَوۡنَهَا فَبِئۡسَ ٱلۡمِهَادُ

Su naraka jahannam i kaludepan nilan, na ngin den i kawag nin a kadtakenan.

38:57
All translationsLinkSource ↗

هَٰذَا فَلۡيَذُوقُوهُ حَمِيمٞ وَغَسَّاقٞ

Namba i kanilan, na nanami nu pan i mayaw endu manga dana a madu gayd.

38:58
All translationsLinkSource ↗

وَءَاخَرُ مِن شَكۡلِهِۦٓ أَزۡوَٰجٌ

Endu aden pan kaped a siksa a mimbyas-byas.

38:59
All translationsLinkSource ↗

هَٰذَا فَوۡجٞ مُّقۡتَحِمٞ مَّعَكُمۡ لَا مَرۡحَبَۢا بِهِمۡۚ إِنَّهُمۡ صَالُواْ ٱلنَّارِ

Nanden su tumpuk a kaped nu beludep (tig nu kaunutan nilan) dala kapya nu manga taw a minunut sa lekami, makaludep tanan sa naraka.

38:60
All translationsLinkSource ↗

قَالُواْ بَلۡ أَنتُمۡ لَا مَرۡحَبَۢا بِكُمۡۖ أَنتُمۡ قَدَّمۡتُمُوهُ لَنَاۖ فَبِئۡسَ ٱلۡقَرَارُ

Madtalu nu namangunut: sekanu i dala kapya nin, ka sekanu ba i namegkafir sa lekami, na ngin den i kawag nin i kambetadan tanu.

38:61
All translationsLinkSource ↗

قَالُواْ رَبَّنَا مَن قَدَّمَ لَنَا هَٰذَا فَزِدۡهُ عَذَابٗا ضِعۡفٗا فِي ٱلنَّارِ

Ya nilan madtalu: kadenan nami takep ka su siksa kanu nadsabapan a kinaludep nami sa naraka.

38:62
All translationsLinkSource ↗

وَقَالُواْ مَا لَنَا لَا نَرَىٰ رِجَالٗا كُنَّا نَعُدُّهُم مِّنَ ٱلۡأَشۡرَارِ

Endu madtalu nilan: nginya ka di nami mailay su manga mama a inibilang nami sa mawag a manga taw (entu ba su manga bamaginugut).

38:63
All translationsLinkSource ↗

أَتَّخَذۡنَٰهُمۡ سِخۡرِيًّا أَمۡ زَاغَتۡ عَنۡهُمُ ٱلۡأَبۡصَٰرُ

Bagungaten nami bu lu sa dunya, ngintu naawa sa kanilan su kailay ka dili nilan gailay.

38:64
All translationsLinkSource ↗

إِنَّ ذَٰلِكَ لَحَقّٞ تَخَاصُمُ أَهۡلِ ٱلنَّارِ

Saben-sabenal na namba na di ebplis na manggula i kapamagukag nu manga taw sa naraka.

38:65
All translationsLinkSource ↗

قُلۡ إِنَّمَآ أَنَا۠ مُنذِرٞۖ وَمَا مِنۡ إِلَٰهٍ إِلَّا ٱللَّهُ ٱلۡوَٰحِدُ ٱلۡقَهَّارُ

Edtalu ka (Muhammad) sa kanilan: saki na papegkagilekan ku sekanu (sa naraka) endu da kadenan a wagib a simban ya tabya su Allah a pakapegas.

38:66
All translationsLinkSource ↗

رَبُّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَا ٱلۡعَزِيزُ ٱلۡغَفَّٰرُ

A Kadenan nu manga langit endu lupa endu su pageletan nin a mapulu a bangampun.

38:67
All translationsLinkSource ↗

قُلۡ هُوَ نَبَؤٌاْ عَظِيمٌ

Edtalu ka sa kanilan (su Qur’an) na masla a bandingan (tudtulan).

38:68
All translationsLinkSource ↗

أَنتُمۡ عَنۡهُ مُعۡرِضُونَ

Na sekanu na pembalawagan nu su Qur’an.

38:69
All translationsLinkSource ↗

مَا كَانَ لِيَ مِنۡ عِلۡمِۭ بِٱلۡمَلَإِ ٱلۡأَعۡلَىٰٓ إِذۡ يَخۡتَصِمُونَ

Na da sa laki i kasabutan ku i kapebpalawa nilan (malaikat).

38:70
All translationsLinkSource ↗

إِن يُوحَىٰٓ إِلَيَّ إِلَّآ أَنَّمَآ أَنَا۠ نَذِيرٞ مُّبِينٌ

Da ipewahi sa laki ya tabya na saben-sabenal a saki na manginggilek aku sa mapayag.

38:71
All translationsLinkSource ↗

إِذۡ قَالَ رَبُّكَ لِلۡمَلَٰٓئِكَةِ إِنِّي خَٰلِقُۢ بَشَرٗا مِّن طِينٖ

(Labit ka) su kutika a kinadtalu nu Kadenan nengka kanu manga malaikat sa saben-sabenal a saki (Allah) na bamaluy aku sa manusya ebpun sa lupa.

38:72
All translationsLinkSource ↗

فَإِذَا سَوَّيۡتُهُۥ وَنَفَخۡتُ فِيهِ مِن رُّوحِي فَقَعُواْ لَهُۥ سَٰجِدِينَ

Na amayka napasad ku endu na yupan ku den sa nyawa na embaba kanu sa lekanin a sugyud.

38:73
All translationsLinkSource ↗

فَسَجَدَ ٱلۡمَلَٰٓئِكَةُ كُلُّهُمۡ أَجۡمَعُونَ

Na sinumugyud su malaikat sa langun nilan.

38:74
All translationsLinkSource ↗

إِلَّآ إِبۡلِيسَ ٱسۡتَكۡبَرَ وَكَانَ مِنَ ٱلۡكَٰفِرِينَ

Ya tabya na su Iblis ka mimamasela, na nakuyug kanu manga kafir.

38:75
All translationsLinkSource ↗

قَالَ يَٰٓإِبۡلِيسُ مَا مَنَعَكَ أَن تَسۡجُدَ لِمَا خَلَقۡتُ بِيَدَيَّۖ أَسۡتَكۡبَرۡتَ أَمۡ كُنتَ مِنَ ٱلۡعَالِينَ

Tig nu Allah: Iblis ngin i nakasapal sa leka sa kasugyud kanu binaluy ku kanu lima ku, mimamasela ka atawaka mibpapulu ka.

38:76
All translationsLinkSource ↗

قَالَ أَنَا۠ خَيۡرٞ مِّنۡهُ خَلَقۡتَنِي مِن نَّارٖ وَخَلَقۡتَهُۥ مِن طِينٖ

Pidtalu nu Iblis: saki pan i mapya sa lekanin, ka ya ku asal na apuy, si Adam na binaluy sa lupa.

38:77
All translationsLinkSource ↗

قَالَ فَٱخۡرُجۡ مِنۡهَا فَإِنَّكَ رَجِيمٞ

Tig nu Allah: liyu ka sa surga ka seka na perajamen ka.

38:78
All translationsLinkSource ↗

وَإِنَّ عَلَيۡكَ لَعۡنَتِيٓ إِلَىٰ يَوۡمِ ٱلدِّينِ

Endu saben-sabenal a nanget sa leka su mulka ku taman sa gay a mawli.

38:79
All translationsLinkSource ↗

قَالَ رَبِّ فَأَنظِرۡنِيٓ إِلَىٰ يَوۡمِ يُبۡعَثُونَ

Pidtalu nu Iblis: Kadenan ku pakalendu ka i umur ku taman sa kagubal sa dunya.

38:80
All translationsLinkSource ↗

قَالَ فَإِنَّكَ مِنَ ٱلۡمُنظَرِينَ

Tig nu Allah: kuyug ka kanu malendu i umur nin.

38:81
All translationsLinkSource ↗

إِلَىٰ يَوۡمِ ٱلۡوَقۡتِ ٱلۡمَعۡلُومِ

Taman bu kanu waktu a mapayag.

38:82
All translationsLinkSource ↗

قَالَ فَبِعِزَّتِكَ لَأُغۡوِيَنَّهُمۡ أَجۡمَعِينَ

Pidtalu nu Iblis: sabap kanu kapulu nengka na tadingen ku silan tanan.

38:83
All translationsLinkSource ↗

إِلَّا عِبَادَكَ مِنۡهُمُ ٱلۡمُخۡلَصِينَ

Ya tabiya na su ulipen nengka a manga ikhlas.

38:84
All translationsLinkSource ↗

قَالَ فَٱلۡحَقُّ وَٱلۡحَقَّ أَقُولُ

Tig nu Allah: su bantang na edtalun ku su bantang.

38:85
All translationsLinkSource ↗

لَأَمۡلَأَنَّ جَهَنَّمَ مِنكَ وَمِمَّن تَبِعَكَ مِنۡهُمۡ أَجۡمَعِينَ

Penun ku su naraka jahannam sa leka endu su langun nu minunut sa leka sa langun nilan.

38:86
All translationsLinkSource ↗

قُلۡ مَآ أَسۡـَٔلُكُمۡ عَلَيۡهِ مِنۡ أَجۡرٖ وَمَآ أَنَا۠ مِنَ ٱلۡمُتَكَلِّفِينَ

Edtalu ka (Muhammad) sa kanilan: di kena aku pegkwa sa lekanu sa sukay, endu di kena aku penggedteb sa laki bu a kadtalu.

38:87
All translationsLinkSource ↗

إِنۡ هُوَ إِلَّا ذِكۡرٞ لِّلۡعَٰلَمِينَ

Saben-sabenal a dala kanu Qur’an ya tabya na indawan kanu taw nu dunya.

38:88
All translationsLinkSource ↗

وَلَتَعۡلَمُنَّ نَبَأَهُۥ بَعۡدَ حِينِۭ

Endu di ebplis na katawan nu bu su kabenal nu tudtulan sa di mawget.

Read this surah in another language or edition